Во извештаите добиени од Македонија Пат и АМСМ во 06:20 часот на ден 01.04.2020 година се наведува дека сообраќајот на државните патишта се одвива непречено, по влажни коловози. Поголеми врнежи од снег се бележат на Попова Шапка, Маврово, Кула, Крушево, Крива Паланка - ГП Деве Баир и на планинските превои Стража, Ѓавато и Пресека.

Во 06:00 часот. се воведува забрана за движење на тешки товарни возила на патниот правец крак Маврово - Дебар.

Во 06:40 часот се воведува забрана за движење на тешки товарни возила на планинскиот премин Плетвар.

Од Македонски железница известуваат дека поради одрон на железничка пруга кај с. Мартолци, општина Чашка, железничкиот сообраќај Скопје -Битола е во целосен прекин.

Поради новонастанатата состојба со корона вирусот одвивање на железничкиот патнички сообраќај кон Куманово е прекинат.

Mеѓуградскиот автобуски сообраќај се одвива редуцирано, а заради состојбата со корона вирусот сообраќајот кон Дебар, Куманово, Битола и Прилеп е целосно во прекин. Меѓународниот автобуски сообраќај воопшто не се одвива.

Во извештајот добиен од АМСМ во 07:45 часот на ден 29.03.2020 година се наведува дека сообраќајот на државните патишта се одвива непречено, по наместа влажни коловози. Поради појава на магла има намалена видливост од 50 до 100 метри на патниот правец с. Лисец - Попова Шапка, Маврово и на планинските премини Плетвар и Стража..Интензитетот на сообраќај на патните правци надвор од градските средини е умерен.

За македонски државјани се затворени сите гранични премини за излез од државата. Затворени се сите гранични премини за влез во државата за странски државјани, патници и возила, освен за транзит на товарни возила, за претставници на дипломатскиот кор и тие кои што ќе добијат соодветна дозвола од страна на МВР, а по претходно добиено мислење од страна на главниот координативен штаб.

Во извештајот добиен од АМСМ во 06:30 часот на ден 28.03.2020 година се наведува дека сообраќајот на државните патишта се одвива непречено, по влажни коловози. Поради појава на магла има намалена видливост од 50 до 100 метри на патниот правец с. Лисец - Попова Шапка, Маврово и на планинските премини Плетвар и Стража.. Интензитетот на сообраќај на патните правци надвор од градските средини е умерен.